મોરબીમાં મોડી રાત્રીના ફરી એક વાર મચ્છી પીઠ માં સામે સામે બે જૂથો વચ્ચે માથાકૂટ થતાં મમલો બિચકયો હતો અને તરત જ સામે સામે પથ્થર અને સોડા બોટલ નો મારો થવા લાગ્યો હતો.
જેમાં મચ્છી પીઠના જ રહેવાસી અને એક જ સમાજના બે જૂથો વચ્ચે અથડામણ થતા સ્થિતિ વણસી હતી અને વાતાવરણ તંગ બની ગયું હતું હાલ આ ઘટના ની જાણ થતાં મોરબી સિટી એ ડિવિઝન પોલી,એસઓજી અને એલસીબી સહિતનો કાફલો ઘટના સ્થળે પહોંચી સ્થીતને કાબૂમાં લીધી છે.
અને પોલીસે સ્થળ પરથી છરી સહિતના હથિયારો કબજે કર્યા હતા સાથે જ આ વિસ્તારમાં આગમી સમયમાં સ્થિતિ વણસે નહીં તેથી પોલીસ દ્વારા ચુસ્ત બંદોબસ્ત ગોઠવી દેવામાં આવ્યો છે.ઉલ્લેખનીય છે કે ચાર વર્ષ પૂર્વે પણ આ જ વિસ્તારમાં બે જૂથો વચ્ચે સોડા બોટલ અને પથ્થર ના ઘા સામે સામે થયા હતા ત્યારે પોલીસે હાલ આ બનાવ કેમ બન્યો અને બનાવ નું કારણ જાણવા ઊંડાણ પૂર્વક ની તપાસ હાથ ધરી છે.
આ ઘટનામાં ઇજા થનાર વ્યક્તિઓને મોરબી હોસ્પીટલ માં સારવાર અર્થે ખસેડવામાં આવેલ છે પોલીસે બનાવની નોધ કરી ગુનો નોંધવા તજવીજ હાથ ધરી હોવાનું સૂત્રોમાંથી જાણવા મળે છે.
