મોરબીના કબીરટેકરીમાં પાના ટીંચતા પાંચ જુગારીઓ ઝડપાયા

મોરબીના કબીરટેકરી વિસ્તારમાંથી સીટી એ ડિવિઝન પોલીસે રેઇડ પાડી પાંચ જુગારીઓને જુગાર રમતા ઝડપી લીધા હતા.

મોરબીમાં આવેક કબીર ટેકરી શેરીનં.૫માં જુગારની મહેફિલ જામી હોવાની પોલીસને જાણ થતાં પોલીસે રેઇડ પાડી હતી આ દરમિયાન જાહેરમા ગંજી પતાના પાના વડે તીન-પતીનો જુગાર રમતા સુનિલભાઇ અમરશીભાઇ અગેચણીયા (ઉ.વ.૩૦), રવિભાઇ ધીરૂભાઇ અગેચણીયા (ઉ.વ.૨૨), તૌફીકભાઇ ઉર્ફે ભયલો ઇબ્રાહિમભાઇ ચાનીયા (ઉ.વ.૨૯), મોસીનભાઇ મામદભાઇ મતવા (ઉ.વ.૨૨) રહે તમામ કબીર ટેકરી તથા હાસમભાઇ હાજીભાઇ ખુરેશી (ઉ.વ.૩૦) રહે.મોરબી વજેપર મતવા ચોકવાળાને રંગેહાથ ઝડપી લીધા હતા. પોલીસે . રૂ.૧૧,૧૦૦નો મુદામાલ કબ્જે કરી તમામ જુગારીઓ વિરુદ્ધ જુગરધારા હેઠળ કાર્યવાહી હાથ ધરી છે.