મોરબી – વાંકાનેર પોલીસે દારૂ અંગે જુદા જુદા ચાર દરોડા પાળી દારૂના જથ્થા સાથે ત્રણ આરોપીઓને ઝડપી લીધા છે જ્યારે બે આરોપી ફરાર થતા તેને દબોચી લેવા તપાસના ચક્રો ગતિમાન કર્યા છે.
મોરબી સીટી એ ડિવીઝન પોલીસે બાતમીના આધારે આરોપી સીરાજ ઉમરભાઇ ખોખર (ઉ.વ.૧૯), રહે.મોરબી મહેનદ્રપરા શેરી નં-૨૦ ને મોરબીના અયોધ્યાપુરી રોડ આસ્વાદપાન વાળી શેરીમાથી વીદેશી દારૂની મેકડોવેલ્સ સુપીરીયર વ્હિસ્કિ બોટલ નંગ-૩ (કિ.રૂ. ૯૦૦) નો મુદામાલ સાથે ઝડપી લીધો હતો.
બીજા દરોડામાં મોરબી એલ.સી.બી.એ મોરબી નવાડેલા રોડ, ખાખીની જગ્યામા આરોપી કિશનભાઇ નટવરલાલ કુબાવત (ઉવ. ૩૦) રહે. મોરબી નવાડેલા રોડ, ખાખીની જગ્યામાં આવેલ તેના રહેણાંક મકાનમાંથી અંગ્રેજી દારૂની મેગ્ડોવેલ્સ સુપીરીયર વ્હીસ્કીની બોટલ નંગ-૪૦ (કિ.રૂ.૧૫,૦૦૦) ના દારૂ સાથે ઝડપી લીધો હતો.
ત્રીજા દરોડામાં મોરબી એલ.સી.બી.એ મોરબીના રણછોડનગર ચરમારીયા દાદાના મંદિરની સામેની શેરીમાં આરોપી ચિરાગભાઇ ભાઇલાલભાઇ જોષી (ઉ.વ. ૨૧) રહે. રણછોડનગર ચરમારીયા દાદાના મંદિરની સામેની શેરીમાં આવેલ તેના રહેણાક મકાનમાંથી દારૂની મેગ્ડોવેલ્સ સુપીરીયર વ્હીસ્કીની બોટલ નંગ-૫૫ કિ.રૂ.૨૦,૬૨૫ ના દારૂ સાથે ઝડપી લીધો હતો. આ દરોડા દરમિયાન આરોપી રાજુ ખીમજીભાઇ પરમારનું નામ ખુલતા તેને ઝડપી લેવા તપાસ આદરી છે.
વધુમાં ચોથા દરોડામાં વાંકાનેર તાલુકા પોલીસે બાતમીના આધારે વાંકાનેર તાલુકાના માટેલ ગામ ધરા પાસે રોડ પર બાઈક પર દારૂની હેરાફેરી કરવા નીકળેલા રઘુભાઇ ઉર્ફે રઘો રાણાભાઇ કોળીને અટકાવતા તે બાઈક રેઢું મૂકીને નાસી ગયો હતો. બાદમાં પોલીસે મો.સા નંબર-GJ-36-M-1876 ની કી.રૂ.૨૫,૦૦૦ તેમજ ઇગ્લીશ દારૂની મેકડોવેલ્સ નંબર-૧ની બોટલ નંગ.૬ કી.રૂ.૨,૨૫૦ મળી કુલ રૂપીયા-૨૭,૨૫૦ મુદામાલ કબ્બજે કર્યો હતો.
