મોરબીના પત્રકારના બાઇકની ઓફિસ નીચેથી ચોરી

મોરબીમાં છેલ્લા કેટલાક સમયથી બાઈકચોરી ગેંગ સક્રિય થઈ છે ત્યારે ધોળા દિવસે બાઇક ચોરીની ઘટનાઓ સામે આવતી રહે છે જેમાં આજે મોરબીના પત્રકાર અતુલ જોશીના હીરોહોન્ડા બાઇક નમ્બર GJ-03-HP-0002 ચોરી થઈ ગયું હતું.આ ઘટનામાં આજે સવારે આશરે 9:15ની આસપાસ પત્રકાર અતુલભાઈ જોશી પોતાની રવાપર રોડ પર ઘનશ્યામ પ્લાઝામાં આવેલી ઓફિસ ગયા હતા બાદમાં 9:45 ની આજુબાજુ નીચે ઉતરી રિપોર્ટિંગ માટે જવા બાઇક લેવા આવ્યા ત્યારે બાઇક ત્યાંથી ગુમ થયું હતું જો કે આ બાઇક ગુમ થયાની નોંધ કરાવી પોલીસ ફરિયાદ નોંધવા તજવીજ હાથ ધરી છે તો બીજી બાજુ એલસીબી પોલીસ દ્વારા સીસીટીવી ના આધારે બાઇક ચોરને ઝડપી લેવા કવાયત હાથ ધરી છે.