મોરબી: મોરબી તાલુકા પોલીસ સ્ટેશનમાં નોંધાયેલા પ્રોહિબિશનના ગુનામાં લાંબા સમયથી નાસતા ફરતા આરોપીને એલસીબી અને પેરોલ-ફર્લો સ્ક્વોડની સંયુક્ત ટીમે ઝડપી પાડ્યો છે.
પોલીસ મહાનિરીક્ષક સરહદી રેન્જ ભુજ તથા મોરબી જિલ્લા પોલીસ અધિક્ષકના માર્ગદર્શન હેઠળ ફરાર, પેરોલ જમ્પ અને જેલ ફરાર આરોપીઓને ઝડપી પાડવા માટે એલસીબી અને પેરોલ-ફર્લો સ્ક્વોડ દ્વારા ખાસ ડ્રાઇવ ચલાવવામાં આવી રહી છે.
દરમિયાન ખાનગી બાતમીના આધારે મોરબી તાલુકા પોલીસ સ્ટેશનના સી પાર્ટ ગુનો રજિસ્ટર નં. 1745/2025 હેઠળ પ્રોહિબિશન એક્ટની કલમ 65(ઇ), 81 અને 98(2) મુજબના ગુનામાં વોન્ટેડ આરોપી ઇમરાનભાઈ રાયબભાઈ જેડા (મીંયાણા) (ઉં.વ. 29) હાલ મોરબીના રણછોડનગર-2 વિસ્તારમાં ધકાવાળી મેલડી માતાજીના મંદિર પાસે જાહેર રોડ પર હાજર હોવાની માહિતી મળી હતી.બાતમીના આધારે એલસીબી અને પેરોલ-ફર્લો સ્ક્વોડે સ્થળ પર પહોંચી આરોપીને ઝડપી લીધો હતો. આરોપી મૂળ નવાગામ, તાલુકા માળીયા મિયાણા અને હાલ રણછોડનગર-2, મોરબી ખાતે રહે છે. તેની BNSS-2023ની કલમ 35(1)(બી)(ii)(જે) હેઠળ અટકાયત કરી વધુ કાર્યવાહી માટે મોરબી તાલુકા પોલીસ સ્ટેશનને સોંપવામાં આવ્યો છે.
