વાંકાનેરના રાતાવીરડા રોડ ઉપરથી વિદેશી દારૂની ૧૨ બોટલ સાથે એકની અટક

વાંકાનેર તાલુકાના રાતાવીરડા રોડ પર રે સીરામીક સામે ખરાબાની જમીન ઉપર જાહેરમાં એક ઇસમને વિદેશી દારૂની ૧૨ બોટલ સાથે ઝડપી લેવામાં આવ્યો હતો.

વાંકાનેર તાલુકા પોલીસ પેટ્રોલિંગમાં હતી ત્યારે રાતાવીરડા રોડ પર રે સીરામીક સામે શંકાસ્પદ હાલતમાં ઉભેલા સુરેશભાઈ લખમણભાઈ જમોડ ઉવ.૨૬ રહે.હાલ રાતાવીરડા તા.વાંકાનેર મુળ રહે.સેજકપર તા.સાયલા જી. સુ.નગર વાળાની તલાશી લેતા તેના પાસે રહેલ બાચકામાંથી વિદેશી દારૂ રોયલ ચેલેન્જ વ્હિસ્કીની નાની-મોટી કુલ ૧૨ બોટલ કિ.રૂ.૨,૩૭૨/- મળી આવી હતી. જેથી પોલીસે દારૂનો જથ્થો કબજે કરી પ્રોહિબિશન એક્ટ હેઠળ ગુનો નોંધી આરોપીની ધરપકડ કરી છે.