મોરબી તાલુકા ના રંગપર નજીક ટેન્કર રિવર્સ લેતી વખતે હડફેટે લેતા એકનું મોત

મોરબી તાલુકાના રંગપર નજીક ટેન્કરચાલકે રિવર્સ લેતી વખતે હડફેટે લેતા એક વ્યક્તિનું મોત થયું હતું. આ બનાવ અંગે મોરબી તાલુકા પોલીસ સ્ટેશનમાં નોંધ કરવામાં આવી છે.

ગત તા. 9ના રોજ મોરબીના જેતપર રોડ પર રંગપર નજીક ભોલે હોટલ પાસે ટેન્કર નં- GJ-12-W-7243 એ ટેન્કર બેદરકારીપૂર્વ પુરઝડપે રીવર્સમાં લેતા સુરેશભાઇ અમરસિંગ ચન્ડેલને પાછળના જોટામાં હડફેટમાં લઇ એક્સીડન્ટ કરતા માથામાં ગંભીર ઇજા પહોંચાડી હતી. આથી, સુરેશભાઈનું મૃત્યુ નીપજ્યું હતું. આ બનાવ અંગે મૃતકના ભાઈ જીતેન્દ્રભાઇ અમરસીંગભાઇ ચન્ડેલએ ફરિયાદ લખાવતા પોલીસે ટેન્કરચાલકને પકડવા તજવીજ હાથ ધરી છે.