ટંકારાનાં કલ્યાણપર ગામની સીમમાં વીજશોક લાગતાં પરિણીતાનું મોત

ટંકારામાં છત પરથી પાણી ઢોળતી વખતે વીજતારને અડકી જતા પરિણીતાનું મોત થયું હોવાનો બનાવ સામે આવ્યો છે. આ બનાવની ટંકારા પોલીસ સ્ટેશનેથી પ્રાપ્ત વિગતો અનુસાર ટંકારાના કલ્યાણપર ગામની સીમમા આવેલ રાધે પોલીમર્સ કારખાનાના મજુરની ઓરડીમાં રહેતા શીતલબેન ધીરેનભાઇ પરમાર (ઉ.વ.૨૫) નામની પરિણીતા ગઈકાલે પોતાની ઓરડીની છત ઉપરથી જી.ઇ.બી.ના તાર નીકળતા હોય અને છત પરથી પાણી ઢોળવા જતા જી.ઇ.બીના ઇલેકટ્રીક તાર ને અડી જતા શોક લાગતા તેણીનું મોત નીપજ્યું હતું. ટંકારા પોલીસે આ બનાવની નોંધ કરી આગળની કાર્યવાહી હાથ ધરી છે.