વાંકાનેર ખાતે મોરબી જિલ્લા હોમગાર્ડની શારીરિક કસોટી અને ડોક્યુમેન્ટ વેરિફિકેશનનું આયોજન

મોરબી જીલ્લા ખાતે ગૃહ રક્ષક દળ(હોમગાર્ડઝ) દળમાં માનદ હોમગાર્ડઝ સભ્યોની ભરતી પ્રક્રીયા માટે શારીરીક કસોટી તથા અસલ ડોક્યુમેન્ટ વેરીફીકેશનનું આયોજન અમરસિંહજી હાઈસ્કુલ નેશનલ હાઈવે વાંકાનેર ખાતે કરવામાં આવ્યું છે.

ઇચ્છુક ઉમેદવારોએ સવારે ૬:૩૦ કલાકે અસલ ડોક્યુમેન્ટ તથા તેની એક નકલ તેમજ અરજી ફોર્મ ભર્યાની પંહોચ સાથે અમરસિંહજી હાઈસ્કુલ વાંકાનેર ખાતે હાજર રહેવા અનુરોધ કરાયો છે. કોવિડ ગાઈડલાઈનના પાલન સાથે મોરબી, વાંકાનેર, ટંકારા, હળવદના પુરૂષ ઉમેદવારોએ તા.૨૫/૧૧/૨૦૨૧ ના રોજ હાજર રહેવુ તથા મહીલા ઉમેદવારોએ તા. ૨૬/૧૧/૨૦૨૧ ના રોજ સવારે ૭:૦૦ કલાકે હાજર રહેવા. જિલ્લા કમાન્ડન્ટ હોમગાર્ડઝ દ્વારા જણાવાયું છે.