વાંકાનેરમાં કેન્સરની ગાંઠથી પીડાતી ભેંસની સર્જરી કરી અપાયું જીવનદાન

વાંકાનેર તાલુકાના જાલીડા ગામે રહેતા હીરાભાઈ કાળોતરા નામના માલધારીની ભેસ છેલ્લા ૮ મહિનાથી કેન્સરની ગાંઠથી પીડાતી હતી. જે બાબતની જાણ થતાં આજે હરતા ફરતા દવાખાનામાં કામ કરતા ડો. તાલિબ હુસેન અને પાયલોટ કમલરાજસિંહ રાણા ઘટના સ્થળે પહોંચી ગયા હતા. આ પશુ દવખાનાની ટીમે ભેંસની ગાંઠની એક કલાક સુધી સર્જરી કરીને આશારે ૧૫ કિલોની કેન્સરની ગાંઠ કાઢી હતી અને ભેંસને જીવનદાન આપ્યું હતું. ત્યારે ૧૦ ગામ દીઠ ચાલતું આ હરતું ફરતું પશુ દવાખાનું ગામમાં રહેતા માલધારીઓ માટે આશીર્વાદ રૂપ સાબિત થઈ રહ્યું છે.