વાંકાનેર પંથકની પરિણીતાએ ગળેફાંસો ખાઈ જીવતરનો અંત આણ્યો

વાંકાનેર તાલુકા મથકેથી જાણવા મળતી વિગત અનુસાર વાંકાનેર તાલુકાના ઢુવા નજીક સરતાનપર રોડ પર આવેલ સીલોન સીરામીકની ઓરડીમાં 24 વર્ષીય પરિણીતાએ ગળેફાંસો ખાઇ આપઘાત કરી લીધો હતો.

સુનૈનાબેન ઉપેન્દ્ર્ભાઇ યાદવ (ઉ.વ.૨૪) એ ગત તા.૦૧/૦૨/૨૦૨૨ ના રોજ 6 વાગ્યા બાદ ના સમયગાળા દરમિયાન કારખાનાની ઓરડીમાં અગમ્ય કારણસર ગળાફાંસો ખાઇ આપઘાતનો પ્રયાસ કરી લીધો હતો. જેમાં તેનું મોત નીપજ્યું હતું. આથી વાંકાનેર પોલીસે મોતનૂ કારણ જાણવા સહિતની દિશામાં કાર્યવાહી હાથ ધરી છે. ઉલ્લેખનીય છે કે મૃતક સુનૈનાબેનનો લગ્નગાળો પાંચ વર્ષનો હોવાનું જાહેર થયું છે.