પ્લમ્બીંગ કામ કરવા બાબતે માથાકૂટ કરી પ્લમ્બરને લમધારી નાખતા ત્રણ શખ્સો

મોરબીની આદર્શ સોસાયટીમા પ્લમ્બીંગ કામ કરવા બાબતે બોલાચાલી કરી ત્રણ શખ્સોએ પ્લમ્બરને લમધારી મારી નાખવાની ધમકી આપ્યાની મોરબી સીટી બી ડિવિઝન પોલીસ માથકમાં ફરિયાદ નોંધાઈ છે.

મોરબી-2ના વેજીટેબલ રોડ પર આવેલ આદર્શ સોસાયટીમાં પ્લમ્બર કામ કરી ગુજરાન ચલાવતા કલ્યાણજીભાઇ ધરમશીભાઇ ડાભી (ઉ.વ.-૩૮) સાથે ધીરૂભાઇ આહિર, અશ્વિનભાઇ આહિર, રાજકુમાર નામના ત્રણ શખ્સોએ
પ્લમ્બીંગ કામ કરવા બાબતે બોલાચાલી કરીને બેફામ ગાળો આપી હતી આ દરમિયાન આરોપીઓએ લોખંડના પાઇપ તથા સેન્ટ્રીંગના લાકડાના ટુકડા વડે ફરીયાદીને આડેધડ મારમારીને પતાવી દેવાની ધમકી આપી હતી. જે અંગે કલ્યાણજીભાઈની ફરિયાદને પગલે પોલીસે આરોપીઓને ઝડપી લેવા આગળની કાર્યવાહી હાથ ધરી છે.