માળીયા(મી.) નાં વાધરવા પુલ નજીક ટ્રેઈલરની ઠોકરે વાહન સુરક્ષાની પટ્ટી તુટી, અંદાજીત રૂ.૧,૬૦ લાખનું નુકસાન

બનાવની મળતી વિગતો અનુસાર ગત તા. ૧ ના રોજ માળીયા (મી.)માં વાધરવાના પૂલ આગળ એસ.આર. પંપની બાજુમા ટ્રેઇલર નં- જીજે-૧૨-બીવી-૫૮૬૬ ના ચાલકે પુરઝડપે અને ગફલતભરી રીતે ટ્રક ચલાવી સ્ટેટ હાઇવે નં.-૭ ની વાહનોની સુરક્ષા માટેની ૪૮ મીટરની પટ્ટી અકસ્માત કરી તોડી નાખી છે. આથી, ગુજરાત સરકારની સંપત્તિને અંદાજીત રૂ. ૧,૬૦,૩૨૩ નું નુક્શાન થયું છે. આ અકસ્માત બાદ ટ્રેઇલરચાલક નાસી ગયો હતો. માળીયા(મી.) પોલીસે ટ્રેઇલરચાલક સામે પબ્લીક પ્રોપર્ટી ડેમેજ એક્ટ 3 મુજબ ગુનો નોંધી આરોપીની શોધખોળ હાથ ધરી છે.