વાંકાનેરનાં ભોજપરા ગામે જીલ્લા વિકાસ અધિકારીના અધ્ક્ષસ્થાને મતદાન જાગૃતિ કાર્યક્રમનું આયોજન

“મતદાન કરવું એ દરેક નાગરિકની પવિત્ર ફરજ અને હક છે” -જીલ્લા વિકાસ અધિકારી જે.એસ. પ્રજાપતિ

મોરબી જીલ્લા વહીવટી તંત્ર દ્વારા મતદાન જાગૃતિ માટે અવનવા કાર્યક્રમો કરવામાં આવી રહ્યા છે. ત્યારે આજે વાંકાનેર તાલુકાના ભોજપરા ગામમાં મોરબી જીલ્લા વિકાસ અધિકારી દ્વારા મતદાન જાગૃતિ માટે એક કાર્યક્રમનું આયોજન કરવામાં આવ્યું હતું જેમાં જીલ્લા વિકાસ અધિકારી જે.એસ. પ્રજાપતિ દ્વારા લોકોને મતદાન કરવા માટે અપીલ કરી હતી.

વધુમાં જીલ્લા વિકાસ અધિકારીએ જણાવ્યું હતું કે, મતદાન કરવું એ દરેક નાગરિકની પવિત્ર ફરજ અને હક પણ છે જેથી દરેક નાગરિકે અવશ્ય મતદાન કરવું જોઈએ. આ કાર્યક્રમમાં વાંકાનેર તાલુકા વિકાસ અધિકારી રિઝવાન કોંઢિયા સહિત સ્ટાફ અને બહોળી સંખ્યામાં ગ્રામજનો ઉપસ્થિત રહ્યાં હતાં.