પિયરે ગયેલ પરિણીતા દાઝી જતા સારવાર દરમ્યાન મોત

બનાવની પ્રાપ્ત વિગતો અનુસાર મોરબીમાં વેઝીટેબલ રોડ પર રહેતી કેશુબેન હકાભાઇ ધામેશા (ઉ.વ.૪૨)નામની પરિણીતા ત્રાજપર ગામે એસઆર પંપની પાછળ રહેતા તેની માતા રંભાબેનના ઘરે ગયા હતા. ત્યારે ગત તા.૧૦ના રોજ કોઇપણ કારણોસર દાઝી ગયા હતા. આથી, તેમને પ્રથમ મોરબીની સરકારી હોસ્પિટલમા દાખલ કરેલ હતા. ત્યા પ્રાથમીક સારવાર આપી વધુ સારવાર માટે રાજકોટની સરકારી હોસ્પિટલ ખાતે રીફર કર્યા હતા. જ્યાં સારવાર દરમ્યાન તેમનું મૃત્યુ થયું હતું. આ બનાવ અંગે મોરબી સીટી બી ડિવીઝન પોલીસે નોંધ કરી કાયદેસરની કાર્યવાહી કરેલ છે.