ટંકારા : ટંકારા તાલુકાના લજાઇ ગામે રહેતા યુવકને સાપે ડંખ દેતા તેનું મૃત્યુ નીપજ્યું હોવાનું સામે આવ્યું છે. યુવાનના મોતથી પરિવારમાં ઘેરા શોકની લાગણી જન્મી છે.
- Advertisement -
- Advertisement -
બનાવની જાણવા મળતી વિગત મુજબ મોરબી-ટંકારા-રાજકોટ રોડ પર આવેલ લજાઈ ચોકડી પાસે લજાઇ ગામે રહેતા મુકેશભાઇ મંગલભાઇ (ઉ.વ.45) ગત તા. 27ના રોજ લક્ષ્મણભાઇની વાડીએ કામ કરતો હતો. તે દરમિયાન અચાનક ત્યાં સાપ આવી જઈ યુવનને ડંખ દેતા યુવાનને ઝેરી અસર થઈ હતી.જેની જાણ થતાં યુવાનને સારવાર અર્થે પ્રથમ મોરબીની ખાનગી હોસ્પિટલમાં ખસેડવામાં આવ્યું હતું જ્યાં વધુ સારવારની જરૂર પડતા યુવાનને વધુ સારવાર માટે રાજકોટની સરકારી હોસ્પિટલ ખાતે બેભાન હાલતમાં લાવવામાં આવ્યો હતો.તે દરમિયાન ફરજ પરના ડોકટરે યુવાનને તપાસી તેમને મૃત જાહેર કર્યા હતા. આ બનાવ અંગે ગઇકાલે ટંકારા પોલીસ સ્ટેશનમાં નોંધ કરાઈ છે.
