વાંકાનેર માર્કેટયાર્ડમાં નવા કપાસની આવક, રૂ. ૪૪૮૬ પ્રતિ મણ ભાવે કપાસ વેચાતા ખેડૂતો ખુશખુશાલ

વાંકાનેર માર્કેટિંગ યાર્ડ ખાતે આજે વર્ષ ૨૦૨૧-૨૨ ના નવા કપાસની આવકની શરૂઆત થવા પામી હોય અને નવા કપાસની હરાજી કરાઈ હતી જેમાં ૪૪૮૬ ના પ્રતિ મણના ભાવે કપાસ વેચાયો હતો.

વાંકાનેર તાલુકાના કણકોટ ગામના ખેડૂત હુશેનભાઈ બાદી અને હળવદ તાલુકાના વાંકિયા ગામના ખેડૂત રાજેશભાઈ પટેલના કપાસના રૂ ૪૪૮૬ ના પ્રતિમણના ભાવે વેચાયો હતો જેને હાજર રહેલ ખેડૂતો, કમીશન એજન્ટ, વેપારી મિત્રોએ હર્ષ ઉલ્લાસથી પેંડા વેચી વધાવ્યો હતો. આ પ્રસંગે વાંકાનેર યાર્ડના ચેરમેન શકીલ એહમદ પીરઝાદા, વાઈઝ ચેરમેન અશ્વિનભાઈ મેઘાણી, ડીરેક્ટર અલીભાઈ બાદી, સેક્રેટરી અબ્દુલભાઈ ચૌધરી, સહિતના અગ્રણીઓ ઉપસ્થિત રહ્યા હતા