મોરબી બ્રહ્મસમાજ દ્વારા આવતીકાલે સરસ્વતી સન્માન સમારોહનું જાજરમાન આયોજન

બ્રહ્મ સમાજના વિદ્યાર્થીને પ્રોત્સાહિત કરવા અને વિધાર્થીઓની પ્રતિભા ખીલવવાના ઉમદા ભાવથી મોરબી સમસ્ત બ્રહ્મ સમાજ દ્વારા સાર્થક વિદ્યામંદિરના આંગણે સરસ્વતી સન્માન સમારોહનું જાજરમાન આયોજન કરવામાં આવ્યું છે. આવતીકાલે તા.3 ને રવિવારના રોજ આ કાર્યક્રમ યોજાશે.

સમસ્ત બ્રહ્મસમાજ મોરબી દ્વારા બ્રાહ્મણ જ્ઞાતીના તેજસ્વી વિદ્યાર્થીઓને સન્માનિત અને પુરસ્કૃત કરવા માટે તા. ૦૩/રવિવારનાં રોજ સાંજે ૪:૦૦ થી ૭:૦૦ કલાકે સાર્થક વિદ્યામંદિર, એલ. ઈ. કોલેજ રોડ, મોરબી-૨ મુકામે “શ્રી સરસ્વતી સન્માન સમારોહ” નું આયોજન કરવામાં આવેલ છે.

આ પ્રસંગે પધારી વિદ્યાર્થીઓનો ઉત્સાહ વધારવા મોરબી બ્રહ્મસમાજ શિક્ષણ સમિતિના પ્રમુખ કિશોરભાઈ શુકલા, મહામંત્રી કેયુરભાઈ પંડ્યા,અમૂલભાઈ જોશી સહિતનાઓએ સમાજ અગ્રણીઓને અનુરોધ કર્યો છે.