મોરબીના કાલીકા પ્લોટમાં ‘ ઘરે નહિ આવવાનુ’ કહેતા આરોપીએ વૃદ્ધને છરીના ઘા ઝીંક્યા

મોરબી કાલીકા પ્લોટમાં ‘અમારા ઘરે નહિ આવવાનુ’ કહેતા આરોપીઓએ ઉશ્કેરાઈ જઈ વૃદ્ધને છરીના ઘા ઝીંકી દેતા મામલો પોલીસ મથકમાં પહોંચ્યો હતો.

મોરબી કાલીકા પ્લોટમાં ભવાની સોડા નજીક રહેતા ચંદુભાઇ કેશેવભાઇ જાદવ (ઉ.વ ૫૬)ના ઘરે આરોપી મીલન પોપટભાઇ જાદવ આવતા ચંદુભાઈએ ઘરે નહી આવવાનુ કહ્યું હતું. જેથી આરોપીએ ઉશ્કેરાય જઇ જેમફાવે તેમ ગાળો આપી છરીનો ઘા ઝીંકી દેતા પેટમા ગંભીર ઇજા થવા પામી હતી. વધુમાં સાહેદ દીપુબેન વચ્ચે પડતા તેમને પણ આરોપીએ છરી ઝીંકી દેતા દીપુબેન સહિત બંન્નેને ઇજા પહોંચી હતી.

આ બનાવ અંગે મોરબી સીટી એ ડિવિઝન પોલીસ મથકમાં આરોપી વિરુદ્ધ ચંદુભાઈએ ફરિયાદ નોંધાવતા પોલીસ ફરિયાદ નોંધાઈ છે.