મોરબી તાલુકાના લાલપર ગામેં કારખાનામાં કામ કરતી મહિલાઓ બાથરૂમ જાય તે વેળાએ પીછો કરતા શખ્સને મહિલાના પતિએ સમજાવતા આ બાબતે ઉશ્કેરાઈ જઇ ત્રણ શખ્સોએ મહિલાના પતિ પર હુમલો કર્યાની પોલીસ ફરિયાદ નોંધાઈ છે.
લાલપર ગામેં આવેલ રેમ્બો-૧ સનમાઇકના કારખાનામાં કામ કરતી છોકરી ઓ બાથરૂમ જાય તે વેળા એ સંજયભાઇ વણોલ પાછળ પાછળ જતો હતો. આથી ફરિયાદી ગૌરીબેનના પતિ વાલજીભાઇ ટુંડીયાએ આ શખ્સને પાછળ ન જવા ટપારતા આરોપી સંજયભાઇ વણોલ જયદિપભાઇ વણોલે ઉશ્કેરાઈ જઇ વાલજી ભાઈ સાથે બોલાચાલી કરી ઢીકા પાટુનો માર માર્યો હતો આ દરમીયાન વાલજીભાઇને બચાવવા ગૌરીબેન વચ્ચે પડતા આરોપી દિનેશભાઇ પટેલે જાહેરમા જાતિ પ્રત્યે હડધુત કર્યા હતાં. આ અંગે ગૌરીબેન વાલજીભાઇ ટુંડીયા (રહે-બૌધ્ધનગર સોસાયટી પહેલી શેરીમા મુકેશભાઇ પરમારના મકાનમા ભાડે)એ મોરબી તાલુકા મથકમાં ફરિયાદ નોંધાવતા પોલીસે આરોપી સુધી પહોંચવા તપાસ હાથ ધરી છે.
