મોરબીમાથી વધુ એક બાઈક ચોરી થતા આરોપીઓ વિરુદ્ધ નામજોગ ફરિયાદ નોંધાઈ

મોરબીમાંથી વધુ એક બાઇકની ચોરી થયા અંગેની પોલીસ ફરિયાદ નોંધાઈ છે.શક્તિ ચેમ્બર-૧ ના પાર્કીંગમાથી બાઈકની ચોરી થતા આરોપીઓ વિરુદ્ધ નામજોગ ફરિયાદ નોંધાઈ છે.

મોરબીના ઉમિયાનગર ગોલ્ડન માર્કેટ સામે રહેતા મનિષભાઇ ત્રીભોવનભાઇ વડાલીયા (ઉ.વ.૪૦)એ પોતાના હીરો સ્લેન્ડર પ્રો.બાઈક રજી. નં. જી.જે.૩૬ એ ૨૬૪૬ કિ.રૂ. ૨૫,૦૦૦ વાળું શક્તિ ચેમ્બર-૧ ના પાર્કીંગમા પાર્ક કર્યું હતું જે આરોપી જીતેંન્દ્રભાઇ ઉર્ફે જીતુ ભરતભાઇ પારઘી (રહે.થાનગઢ નવો વાસ, આંબેડકરનગર-૨ તા.થાનગઢ, સુરેન્દ્રનગર તથા સંજયભાઇ પ્રવીણભાઇ પરમાર (રહે. થાનગઢ .આઇ.ડી.સી. સામે તા.થાનગઢ). ચોરી કરી લઈ ગયાની મનિષભાઇએ મોરબી સીટી બી ડિવિઝન પોલીસ મથકમાં ફરિયાદ નોંધાવી છે જેને લઈને પોલીસે તપાસ હાથ ધરી છે.