માળીયા મિયાણા પોલીસે ખીરઇ ગામના પાટિયા નજીકથી કૃઝ ગાડીમાં દારૂની હેરાફેરી કરતા શખ્સ ને 72 બોટલ દારૂ અને 120 ટીન બિયરના જથ્થા સાથે ઝડપી લીધો હતો.
આ અંગે જાણવા મળતી વિગત અનુસાર માળીયા મીયણા નેશનલ હાઇવે પર આવેલ ખીરઇ ગામના પાટીયા નજીકથી શંકાસ્પદ હાલતમાં પસાર થતી કારને પોલીસે અટકાવી તલાશી લેતા કારમાંથી વિદેશી દારૂની મેકડોવલ્સ નં. ૧ બ્રાન્ડની ૭૨ બોટલ કિ.રૂ .૨૭,૦૦૦ ભારતીય બનાવટની પરપ્રાંતીય કિંગફીશર સ્ટ્રોંગ બીયર કુલ ટીન નંગ -૧૨૦ કિ.રૂ .૧૨,૦૦૦ નો જથ્થો ઝડપાયો હતો. પોલીસે દારૂનો જથ્થો જપ્ત કરી આરોપી ઇસુબભાઇ અલ્લારખાભાઇ સંધવાણી (ઉ.વ ૧૯ રહે હાલ- ખીરઇ તા – માળીયા મી જી – મોરબી મુળ રહે- જોરાવરનગર પોલીસ સ્ટેશન નજીક સુરેન્દ્રનગર) ને ઝડપી લીધો હતો. માળીયા પોલીસે દારૂ, સેન્ચેલેટ કંપનીની ક્રુઝ કાર નં- GJ – 03-06-1565 કિંમત રૂપીયા ૪,૦૦,૦૦૦નો મુદામાલ કબ્જે કરી દારૂનો જથ્થો આવ્યો ક્યાંથી સહિતની દિશામાં કાર્યવાહી હાથ ધરી છે.
આ કામગીરી દરમિયાન પીએસઆઇ એન.એચ.ચુડાસમા, હેડ કોન્સ્ટેબલ ક્રિપાલસિંહ ચાવડા, વિશ્વરાજસિંહ ઝાલા, કોન્સ્ટેબલ સંજયભાઇ રાઠોડ તથા મહેન્દ્રસિંહ ચુડાસમા સહિતના ફરજ પર હાજર રહ્યા હતાં.
