મોરબી જિલ્લામાં જુગાર અને દારૂની બદીને અટકાવવા માટે પોલીસ અધિક્ષક રાહુલ ત્રિપાઠીએ સૂચનાઓ આપેલ હોય જેને ધ્યાને લઈ મોરબી શહેર અને જિલ્લા પોલીસ સતર્ક થઇ ગઇ છે. ત્યારે ગઈકાલે મોરબી સીટી બી ડિવિઝન પોલીસે મહારાણાપ્રતાપ સર્કલ પાસે જાહેરમાં જુગાર રમતા ચાર પત્તા પ્રેમીઓને પકડી પાડી જેલ હવાલે કર્યા છે,
મળતી માહિતી અનુસાર, મોરબી સીટી બી ડિવિઝન પોલીસ સ્ટેશનનો સટાફ ગઈકાલે પેટ્રોલિંગમાં હતો. ત્યારે તેઓને બાતમી મળી હતી કે, મહારાણાપ્રતાપ સર્કલ પાસે જાહેરમાં નાસ્તાગલીમાં અમુક ઈસમો જુગાર રમી રહ્યા છે. જે હકીકતનાં આધારે તેઓએ સ્થળ પર રેઇડ કરતા સ્થળ પરથી નાસ્તાગલી ખુલ્લામાં મહારાણાપ્રતાપ સર્કલ પાસે જ રહેતા વિજયભાઇ તુલસીભાઇ મકવાણા, કિશનભાઇ મુળચંદ્રભાઇ નાગવંશી, કલ્પેશભાઇ મુકેશભાઇ ગોસાઇ અને નવધણભાઇ જીવણભાઇ સોલંકી નામના ૪ ઈસમોં જુગાર રમતા મળી આવતા પોલીસે તેઓને પકડી પાડી તેમની પાસેથી રૂ.૧૩,૪૮૦/- નો મુદ્દામાલ કબ્જે કર્યો છે.
