ટંકારા જબલપુર રોડ ઇન્દ્રપ્રસ્થ સોસાયટીમા ઘર પાસે આવેલ પાણીના ટાંકા પાસે કપડા ધોતા મહિલાને ઈઅમે પાણી ઓછુ બગાડો તેમ કહેતા મહિલાએ હુ પાણી બગાડતી નથી કપડા ધોવુ છુ તેમ કહેતા ઈસમોએ જેમફાવે તેમ ગાળો ભાંડી ઢોર માર મારતા સમગ્ર મામલે ટંકારા પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, ટંકારા જબલપુર રોડ ઇન્દ્રપ્રસ્થ સોસાયટીમા રહેતા રણજીતાબેન સંજયભાઇ સવસાણી પોતાના ઘર પાસે આવેલ પાણીના ટાંકા પાસે કપડા ધોતા હોય તે વખતે આ કામના આરોપી મુકેશભાઇ ચંદારાણાએ ફરીયાદીને પાણી ઓછુ બગાડો તેમ કહેતા ફરીયાદીએ આરોપીને હુ પાણી બગાડતી નથી કપડા ધોવુ છુ તેમ કહેતા ઈસમ જેમફાવે તેમ બોલવા લાગેલ અને ડોલીબેન મુકેશભાઇ ચંદરાણાએ આવી ફરિયાદીને ગાળો આપી ઢીકાપાટુનો મુંઢમાર મારી વાળ પકડી જમીન પર પછાડી દઇ મુંઢ ઇજા પહોંચાડી હતી. તથા સાહેદ સંજયભાઇ તથા ખોડુભાઇ આરોપી ડોલીબેનને ઘર પાસે સમજાવવા જતાં તેણે ઘરમાંથી તલવાર કાઢી બહાર આવતા સાહેદ ખોડુભાઇએ તેમની પાસેથી તલવાર છીનવી લેતા ફરિયાદી તથા સાહેદોને આરોપીઓએ ગાળો આપી મારી નાખવાની ધમકી આપતા સમગ્ર મામલે ટંકારા પોલીસ સ્ટેશનમાં ફરિયાદ દાખલ કરવામાં આવી છે.
