હળવદના ખોડ ગામ નજીકથી દારૂ-બીયરના જથ્થા સાથે ઈસમ ઝડપાયો

હળવદમાં વિદેશી દારૂ તથા બિયર ઝડપાવવાનો સિલસિલો યથાવત રહ્યો છે. હળવદ પોલીસની ટીમે ખોડ ગામ ખોડ રણની કાઠી ના રણના રસ્તેથી એક ઈસમને વિદેશી દારૂ તથા બિયરનાં જથ્થા સાથે ઝડપી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, હળવદ પોલીસ સ્ટેશનની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હોય જે હકીકતના આધારે ખોડ ગામ ખોડ રણની કાઠી ના રણના રસ્તે રેઈડ કરતા પ્રહલાદભાઇ બચુભાઇ સુરેલા (રહે એંજાર તા-ધ્રાંગધ્રાં જી- સુરેન્દ્રનગર) નામનો શખ્સ ભારતીય બનાવટની પરપ્રાંતીય દારૂની ૦૮ બોટલ તથા ૬૦ બીયરની કુલ કિંમત રૂ.૧૧,૪૦૦/- તથા એક મોબાઇલ જેની કિંમત રૂ.૫૦૦૦-/ ગણી એમ કુલ રૂ.૧૬,૪૦૦/-ના મુદામાલ સાથે મળી આવતા પોલીસે પ્રોહિબિશન એકટ કલમ-૬૫(એ)(ઇ),૧૧૬બી મુજબનો ગુનો દાખલ કરી આરોપીની અટકાયત કરી કાયદેસરની કાર્યવાહી હાથ ધરી છે.