લોખંડી પુરુષ સરદાર વલ્લભભાઈ પટેલની પુણ્યતિથિ નિમિતે વિશ્વ હિન્દુ પરિષદ દુર્ગાવાહિની દ્વારા પુષ્પાંજલિ અર્પણ કરાઇ

ભારતના લોખંડી પુરુષ સરદાર વલ્લભ ભાઈ પટેલની ૭૩મી પુણ્યતિથિ નિમિત્તે આજરોજ વિશ્વ હિન્દુ પરિષદ દુર્ગાવાહિની દ્વારા શનાડા રોડ ખાતે સરદાર વલ્લભભાઈ પટેલની પ્રતિમાએ પુષ્પાંજલી અર્પણ કરવામાં આવી હતી.

દેશની આઝાદી પછી 500 થી વધુ રજવાડાઓને સરદાર વલ્લભભાઈ પટેલ દ્વારા ભારતીય સંઘમાં સામેલ કરવામાં આવ્યા હતા. ભારતને એક કરવા માટે તેમની પ્રશંસનીય ઇચ્છા શક્તિ, હિંમત, નિશ્ચય, અપાર નિષ્ઠા અને દેશ પ્રત્યેની વફાદારીના કારણે તેમને ભારતના લોખંડી પુરુષ કહેવામાં આવે છે. તેવા સરદાર વલ્લભભાઈ પટેલની ૭૩મી પુણ્યતિથિ નિમિત્તે આજરોજ વિશ્વ હિન્દુ પરિષદ દુર્ગાવાહિની દ્વારા શનાડા રોડ પર આવેલ શ્રી સરદાર વલ્લભભાઈ પટેલની પ્રતિમા એ પુષ્પાંજલી અર્પણ કરવામાં આવી હતી. તેમજ બેહનો દ્વારા બે મિનિટનું મૌન રાખી શ્રધ્ધાંજલિ અર્પણ કરાઈ હતી.