મોરબીનાં વાઘપરા મેઈન રૉડ પરથી વિદેશી દારૂના જથ્થા સાથે એક ઈસમ ઝડપાયો

૩૧ ડીસેમ્બરમાં બુટલેગર દ્વારા મોટા પાયે વિદેશી દારૂ ઘુસાડવાની ફીરાકમાં હોય આ હેરાફેરી નિષ્ફળ બનાવવાં પોલીસે અલગ અલગ વિસ્તારમાં પેટ્રોલિંગ કડક કર્યું હતું જીલ્લામા સ્પેશ્યલ ડ્રાઈવ હાથ ધરી હતી આ ડ્રાઈવના ભાગરૂપે મોરબી સીટી એ ડિવીઝન પોલીસ દ્વારા ગઈકાલે એક ઈસમને વિદેશી દારૂની બોટલો સાથે પકડી પાડ્યો હતો.

મળતી માહિતી અનુસાર, મોરબી સીટી એ ડિવીઝન પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, મોરબીનાં વાઘપરા મેઈન રૉડ નાલા પાસે જાહેરમા નગર દરવાજા પાસે એક ઈસમ વિદેશીના જથ્થા સાથે ઉભેલ છે, જે હકીકતના આધારે પોલીસે સ્થળ પર રેઈડ કરી કાનજીભાઈ દેવજીભાઈ પરમાર નામના ઈસમને વિદેશી દારૂની 8 PM SPECIAL RARE વ્હીસ્કીની બે બોટલોનાં રૂ.૧૦૦૦/-ના મુદ્દામાલ સાથે પકડી પાડી કાયદેસરની કાર્યવાહી હાથ ધરી હતી.