મોરબીનાં સોખડા ગામ પાસે જૂની અદાવતમાં આધેડને માર મારી જાનથી મારી નાખવાની ધમકી અપાઈ

મોરબીમાં અસામાજિક તત્વોનો આતંક દિન પ્રતિદિન વધી રહ્યો છે. ત્યારે વધુ એક અસામાજિક તત્વોના આતંકની ઘટના સોખડા ગામ પાસેથી સામે આવી છે જેમાં ઈસમે જૂની અદાવતનો ખાર રાખી યુવક આધેડ મોટરસાઈકલ પરથી પસાર થઈ રહ્યો હોય તેને રોકી માર મારી જાનથી મારી નાખવાની ધમકી આપતા સમગ્ર મામલે મોરબી તાલુકા પોલીસ સ્ટેશનમા ફરિયાદ નોંધાઈ છે.

મળતી માહિતી અનુસાર, મોરબીનાં સોખડા ગામ ખાતે રહેતા રમેશભાઇ ખીમાભાઇ મકવાણાએ અગાઉ કરેલ પોલીસ ફરીયાદનો હરદેવભાઇ બાબાભાઇ બાલાસરા (રહે.સોખડા (કિશનગઢ) તા.જી. મોરબી)એ ખાર રાખી ફરીયાદી આધેડ મોટર સાઇકલ ઉપર જતા હોય સામેથી આરોપીએ પોતાના મેટાડોરમાં આવી ફરીયાદીને જાહેરમાં ગાળો આપી બે ત્રણ જાપટ જ્ઞાતિ પ્રત્યે હળધુત કરી ફરીયાદ કરીશ તો જાનથી મારી નાખવાની ધમકી આપતા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.