વાંકાનેરનાં વીરપર ગામે આગામી તા.28 માર્ચથી શ્રી રામકથાનું આયોજન

વાંકાનેરનાં વીરપર ગામે આવેલ મેલડી માં મંદિર ચોક ખાતે આગામી તા.28/03/2024 થી 05/04/2024 સુધી નવ દિવસીય શ્રી રામ કથાનું આયોજન કરવામાં આવ્યું છે. કથાનું રસપાન સુપ્રસિદ્ધ વક્તા કથાકાર અમિતભાઇ પંડ્યા કરાવશે

આગામી તા.28/03/2024 થી 05/04/2024 સુધી નવ દિવસ વાંકાનેરનાં વીરપર ગામે આવેલ મેલડી માં મંદિર ચોક ખાતે વીરપર ગામ સમસ્ત દ્વારા શ્રી રામકથાનું આયોજન સવારે 09 થી 12 વાગ્યા સુધી કરવામાં આવ્યું છે. જે કથાનું રસપાન મોરબીનાં સુપ્રસિધ્ધ વક્તા અમિતભાઇ પંડ્યા દ્વારા કરાવવામાં આવશે. તેમજ આ કથાનું આયોજન શ્રી રામદેવપીર મંદિર, શિવ મંદિર અને દશામાં મંદિરના લાભાર્થે કરવામાં આવ્યું છે. તેમજ કથામાં પધારતા ભક્તો માટે મહાપ્રસાદનું પણ આયોજન કરવામાં આવ્યું છે. ત્યારે ભક્તોને કથામાં પધારવા આયોજકો દ્વારા ભાવ ભર્યું આમંત્રણ પાઠવવામાં આવ્યું છે.