મોરબી બી ડિવિઝન પોલીસ ટીમ સામાકાંઠા વિસ્તારમાં મહેન્દ્રનગર ચોકડી નજીક પેટ્રોલિંગમાં હોય તે દરમિયાન સ્વસ્તિક બિઝનેસ હબ તથા જીયાન પ્લાઝા પાસેથી એમ બે અલગ અલગ સ્થળેથી વિદેશી દારૂની એક-એક બોટલ સાથે બે યુવકોને ઝડપી લેવામાં આવ્યા હતા.
જેમાં મહેન્દ્રનગર ચોકડીથી આગળ સ્વસ્તિક બિઝનેસ હબ પાસેથી પાસ પરમીટ કે આધાર વગર વિદેશી દારૂની સ્કોચ-વ્હિસ્કીની એક બોટલ સાથે આરોપી હરદેવભાઇ રસીકભાઇ પઢીયાર ઉવ.૩૫ રહે. મોરબી નિલકંઠ રેસીડન્સી સેન્ટમેરી નવલખી રોડને જયારે મહેદ્રનગર ચોકડીથી આગળ આવેલ જીયાન પ્લાઝા સામેથી આરોપી કરણભાઇ મનસુખભાઇ ડાભી ઉવ.૨૫ રહે. મોરબી નિલકંઠ રેસીડન્સી સેન્ટમેરી સ્કુલ પાસે નવલખી રોડ પાસેથી વિદેશી દારૂની એક બોટલ સાથે પોલીસે ઝડપી લેવાયો હતો. હાલ મોરબી બી પોલીસે અલગ અલગ જગ્યાએથી પકડાયેલ બંને આરોપીઓ સામે પ્રોહી.એક્ટ હેઠળ ગુનો નોંધી ધોરણસરની કાર્યવાહી હાથ ધરી છે.
