મોરબી : ૨૬ માર્ચે મીડિયા કર્મચારીઓને કોરોના વેકસીનનો પ્રથમ ડોઝ અપાશે

મોરબી : સરકારની ગાઈડલાઈન મુજબ મોરબી જિલ્લા કોર કમિટીએ મીડિયાના મિત્રોને ફ્રન્ટલાઇન વર્કર્સમાં સમાવેશ કરીને કોરોના રસી આપવાનું નક્કી કરેલ છે. જે અન્વયે મોરબી જિલ્લાના પત્રકાર મિત્રોને તા. 26 માર્ચને શુક્રવારના રોજ સવારે 11:00 કલાકે સિવિલ હોસ્પિટલ ખાતે કોરોના રસી મુકાવવા અનુરોધ કરાયો છે. મીડિયાના તમામ મિત્રોએ પોતાના આઈડી પ્રૂફ પૈકી આધાર કાર્ડ અથવા ચુંટણીકાર્ડ અથવા પાનકાર્ડ તથા જે સંસ્થા સાથે જોડાયેલા છે તેનું આઈકાર્ડ રસીકરણ કાર્યક્રમમાં સાથે રાખવા અનુરોધ કરાયો છે.