નવયુગ કોલેજના NSS યુનિટના વિદ્યાર્થીઓએ સરકારની મહત્વપૂર્ણ યોજના “યુવા આપદા મિત્ર” અંતર્ગત આયોજિત સાત દિવસીય તાલીમ કેમ્પમાં ઉત્સાહપૂર્વક ભાગ લઈ સફળતા મેળવી છે. આ કેમ્પનો મુખ્ય હેતુ યુવાનોને આપદા વ્યવસ્થાપન અંગે સજાગ બનાવવાનો અને આપત્તિના સમયમાં અસરકારક રીતે કામગીરી કરી શકે તેવી તાલીમ આપવાનો હતો.
આ સાત દિવસીય કેમ્પ દરમ્યાન વિદ્યાર્થીઓને વિવિધ પ્રકારની પ્રાયોગિક તથા સિદ્ધાંત આધારિત તાલીમ આપવામાં આવી હતી. જેમાં આપત્તિ દરમિયાન બચાવ અને રાહત કામગીરી, ફર્સ્ટ એઈડ (પ્રથમ સારવાર), આગ લાગવાની સ્થિતિમાં સલામતી અને બચાવ કામગીરી, પૂર અને ભૂકંપ જેવી કુદરતી આપદાઓ દરમિયાન બચાવની રીતો, સંચાર અને ટીમ વર્ક, તેમજ લોકોને સલામત સ્થળે સ્થળાંતર કરવાની પ્રક્રિયા જેવી મહત્વપૂર્ણ બાબતોનો સમાવેશ થાય છે.
વિદ્યાર્થીઓએ આ તાલીમ દરમિયાન પ્રેક્ટિકલ ડ્રિલ્સ, મોક અભ્યાસ (Mock Drill) અને વિવિધ આપદા પરિસ્થિતિઓમાં કેવી રીતે ઝડપી અને યોગ્ય નિર્ણય લેવો તેની વિગતવાર સમજ મેળવી. તાલીમ દરમિયાન વિદ્યાર્થીઓમાં આત્મવિશ્વાસ, નેતૃત્વ ક્ષમતા અને સામાજિક જવાબદારીની ભાવના વધુ મજબૂત બની છે.
નવયુગ કોલેજના NSS ના વિદ્યાર્થીઓએ આ કેમ્પમાં ખૂબ જ ઉત્સાહ, શિસ્ત અને સમર્પણ સાથે ભાગ લઈ સંસ્થાનું નામ ગૌરવપૂર્ણ બનાવ્યું છે. આ તાલીમ દ્વારા વિદ્યાર્થીઓ ભવિષ્યમાં આપત્તિ સમયે સમાજ માટે સહાયક બની શકે તેવો મજબૂત આધાર પ્રાપ્ત કર્યો છે.
સંસ્થાના પ્રમુખ પી.ડી.કાંજીયા સર મેનેજીંગ ટ્રસ્ટીશ્રી બળદેવભાઈ સરસાવડીયા કોલેજના પ્રિન્સિપાલ નિલેશભાઈ મીરાણી તથા NSS પ્રોગ્રામ ઓફિસરે વિદ્યાર્થીઓને અભિનંદન પાઠવી તેમના ઉજ્જવળ ભવિષ્ય માટે શુભેચ્છાઓ વ્યક્ત કરી છે.
