મોરબી માળીયા નેશનલ હાઇવે પર ટ્રક અને એસટી બસ વચ્ચે અકસ્માત

મોરબી માળીયા નેશનલ હાઈવે પર લક્ષ્મીનગર ગામ પાસે ટ્રક અને એસટી બસ વચ્ચે અકસ્માત સર્જાયો હતો. આ મામલે એસટી બસ ડ્રાઈવર જગદીશભાઈ વિઠ્ઠલભાઈ ઢાપાએ ટ્રક ચાલક વિરુદ્ધ મોરબી તાલુકા પોલીસ મથકમાં ફરિયાદ નોંધાવી છે કે ટ્રક નં. જીજે-૧૨-ઝેડ-૧૫૨૬ નો ચાલક પોતાના હવાલા વાળું ટ્રક પૂરઝડપે અને ગફલત ભરી રીતે ચલાવી રહ્યો હતો તે દરમ્યાન એસ.ટી બસ નં. જીજે-૧૮-ઝેડ-૩૨૩૮ સાથે ભટકાડી અકસ્માતને અંજામ આપ્યો હતો. આ અકસ્માતમાં એસટી બસને બહોળા પ્રમાણમાં નુકસાન થયું હતું તો બસમાં સવાર મુસાફરોને પણ નાની મોટી ઈજાઓ પહોંચી હતી. અકસ્માત થતા જ ટ્રક ચાલક ટ્રક મૂકીને નાસી છૂટ્યો હતો. બનાવની ફરિયાદને આધારે તાલુકા પોલીસે ટ્રક ચાલક સામે ગુનો નોંધી વધુ તપાસ હાથ ધરી છે.