શ્રીમતી એલ.કે. સંધવી ગલ્સ હાઇસ્કૂલ વાંકાનેરની વિધાર્થીની સિધ્ધિ, સ્વામી વિવેકાનંદ વિષયક વકૃત્વ સ્પર્ધામાં રાજયમાં પ્રથમ

રામકૃષ્ણ આશ્રમ દ્વારા સ્વામી વિવેકાનંદ ૧૫૮ જન્મજયંતિ નિમિતે વિવિધ સ્પર્ધાઓ યોજાતી હોય છે. આ વર્ષે કોરોના મહામારીને કારણે ઓનલાઇન ૨૬ રાજ્યોમાં આ સ્પર્ધા યોજાયેલ હતી. આ વકૃત્વ સ્પર્ધામાં શ્રીમતી એલ.કે. સંધવી ગલ્સ હાઇસ્કૂલની ધોરણ ૧૦ની વિધાર્થીની રાવલ નિર્જરા જતીનભાઇએ ‘‘નિર્ભય બનો અને મુસીબતોનો સામનો કરો’’ એ વિષેય પર વકૃત્વ રજૂ કરી તેમને ગુજરાત રાજયમાં પ્રથમ નંબર પ્રાપ્ત કરેલ છે. આ પ્રથમ નંબર પ્રાપ્ત કરવા બદલ વિધા ભારતી એજયુકેશન એન્ડ ચેરીટેબલ ટ્રસ્ટના પ્રમુખ શાળા પરિવાર, રાવલ પરિવાર તેમજ શિક્ષણાધિકારી કચેરીનું ગૌરવ વધારેલ છે. આ પ્રસંગે ટ્રસ્ટના પ્રમુખ લલિતભાઇ મહેતા તેમજ શાળાના પ્રધાનાચાર્ય દર્શાનાબેન જાનીએ વિધાર્થીને હદય પૂર્વક ખુબ ખુબ અભિનંદન પાઠવેલ હતા.