મોરબી-હળવદમાં જુગાર રમતાં આઠ શકુનીઓ ઝડપાયા

મોરબીના રોહિદાસપરા માં અને હળવદના ચરાડવા ગામે પોલીસે દરોડા પાડી જુગાર રમતા આઠ શકુનીઓને ઝડપી પાડયા છે.

જેમાં મોરબીના રોહીદાસપરા મેઈન રોડ પર ચાર ગોદામના પાછળના ભાગમાં જાહેરમાં જુગાર રમતા અલીયાસ અબ્દુલભાઇ કટિયા (ઉ.વ.૪૨), ઉમરફારૂક હારુનભાઈ માણેક (ઉ.વ.૨૩), શબ્બીર હારુનભાઈ માણેક (ઉ.વ.૨૪) અને હનીફાબેન અબ્બાસભાઈ બુચર (ઉ.વ.૩૨) વાળાને રોકડ રકમ રૂ.૧૫૩૫૦ ના મુદામાલ સાથે ઝડપી પાડી મોરબી સીટી બી ડિવિઝન પોલીસે કાર્યવાહી હાથ ધરી હતી.

જ્યારે હળવદ ના ચરાડવા ગામે આંબલીવાળી શેરીમાં જાહેરમાં જુગાર રમતા સંજયભાઈ ઉર્ફે મુન્નો જગજીવનભાઈ માકાસણા (ઉ.વ.૩૮), પ્રહલાદ રાઘુભાઈ માકાસણા (ઉ.વ.૩૮), જગદીશભાઈ ચતુરભાઇ માકાસણા (ઉ.વ.૪૯) અને છગનભાઈ નાનુભાઈ પઢીયાર (ઉ.વ.૪૮) વાળાને રોકડ રકમ રૂ.૧૧,૬૦૦ ના મુદામાલ સાથે ઝડપી પાડી હળવદ પોલીસે કાર્યવાહી હાથ ધરી હતી.