મોરબીમાં જાહેરમાં જુગાર રમતા ચાર પત્તા પ્રેમીઓ ઝડપાયા

મોરબીમાં જાહેરમાં જુગાર રમતા ચાર પત્તા પ્રેમીઓને મોરબી સીટી બી ડિવિઝને ઝડપી પાડ્યા છે અને તેમની પાસેથી કુલ રૂ.૧૧,૭૦૦નો મુદ્દામાલ કબજે કરી તમામ વિરુદ્ધ કાયદેસરની કાર્યવાહી આરંભવામાં આવી છે.

બનાવ અંગે મળતી માહિતી અનુસાર, મોરબી સીટી બી ડિવિઝનની ટીમ જયારે પેટ્રોલિંગમાં હતી. ત્યારે તેઓને ચોક્કસ બાતમી મળી હતી કે, મોરબી-૨ ઈંન્દીરાનગર મંગલમ વીસ્તારમાં સ્ટ્રીટ લાઈટનાં અજવાળે અમુક ઈસમો જુગાર રમી રહ્યા છે. જે હકીકતના આધારે પોલીસે રેડ પાડતા જુગાર રમતા રમેશ રામજીભાઈ વરાણીયા, કિશોર કાનજીભાઈ સુરેલા, ભરત ગોરધનભાઈ કેરવાડીયા અને રાકેશ રમેશભાઈ ઉધરેજા ઝડપાયા હતા. જેઓને જુગાર ધારા કલમ ૧૨ મુજબ પકડી પાડી તમામ પાસેથી રૂ.૧૧,૭૦૦નો મુદ્દામાલ કબજે કરવામાં આવ્યો છે. અને તમામ વિરુદ્ધ કાયદેસરની કાર્યવાહી આરંભવામાં આવી છે.