મોરબીનાં સરતાનપર રોડ ઉપર આવેલ સીરામીક ફેક્ટરીમાંથી બાળકીનું અપહરણ

બનાવની તાલુકા પોલીસ મથકેથી મળતી માહિતી મુજબ મોરબીના સરતાનપર રોડ પર આવેલ મોટો સીરામીકમાં રહી મજુરી કામ કરતા મૂળ એમપીના જાબુઆ જિલ્લાના વતની લલિતભાઈ પુંજાભાઈ ખરાડી ફેકટરીના આઉટ ટેબલમાં કામ કરતા હતા. ત્યારે આજુબાજુમાં તેમની દીકરી સરિતા ઉર્ફે આયશી(ઉ.વ.૭) રમતી હતી. અચાનક પુત્રી ગુમ થઈ જતા પિતાએ તેની શોધખોળ કરી હતી. પણ ફેકટરીમાંથી ન મળી આવતા પિતાએ કોઈ અજાણ્યા શખ્સ તેનું અપહરણ કરી લઈ ગયો હોવાની મોરબી તાલુકા પોલીસ મથકે ફરીયાદ નોંધાવી હતી. આ અંગે વધુ તપાસ સીપીઆઈ આઇ. એમ. કોંઢિયા ચલાવી રહ્યા છે.