મોરબીના અમરેલી ગામે દેશી દારૂની ધમધમતી ભઠ્ઠી પર પોલીસની રેડ: સાડા છસ્સો લીટર દારૂનો આથો ઝડપાયો

મોરબી જિલ્લામાં અમરેલી ગામે તાલુકા પોલીસે દરોડો પાડી દારૂની ભઠ્ઠી પકડી પાડી છે. જો કે ભઠ્ઠી સંચાલક નહિ મળતા ફરાર દર્શાવાયો છે.

મોરબી તાલુકા મથકથી પાંચ કિમિ દૂર આવેલ અમરેલી ગામે પોલીસે સિમ વિસ્તારમાં દરોડો પાડ્યો હતો જેમાં ધનાજી સવજીભાઈ મકવાણા નામના શખ્સ સંચાલિત દારૂની ભઠ્ઠી મળી આવી હતી. પોલીસે આ શખ્સના કબજામાંથી પોતાના કબ્જામાં સાત નાના-મોટા બેરલ, દેશીદારૂ બનાવવાનો આથો લીટર આશરે ૬૫૦ કિ.રૂ.૧,૩૦૦ મળી કૂલ કિં.રૂ.૧૬૦૦ નો મુદ્દામાલ કબ્જે કર્યો હતો. પોલીસે આ શખ્સ હાજર નહીં મળતા ફરાર દર્શાવી આગળની કાર્યવાહી હાથ ધરી છે.