મોરબી શહેરમાં રહેતો પાંચ વર્ષનો બાળક રુદ્ર મયુરભાઈ જેઠલોજા ધૈર્યરાજસિંહ રાઠોડની વ્હારે

પોતાની પિગી સેવીંગમાંથી રૂ. 9,999નું આપ્યું દાન

ધૈર્યરાજસિંહ રાઠોડ નામના બાળકને થયેલ HMA-1ની ગંભીર બીમારીની સારવાર માટે રૂ. 16 કરોડનું ઇન્જેક્શન વિદેશથી મંગાવવાની વાત સોશિયલ મીડિયા પર વાયરલ થતાં તેની મદદ માટે દેશભરમાંથી લોકો દાનની સરવાણી વહાવી રહ્યા છે. ત્યારે ધૈર્યરાજસિંહ રાઠોડને રોગની સારવાર માટે મદદરૂપ થવા મોરબીમાં રહેતા જેઠલોજા પરિવારના પાંચ વર્ષના બાળક રુદ્ર મયુર જેઠલોજાએ પિગી સેવિંગ બેંકમાંથી રૂ. 9,999નું યોગદાન આપ્યું છે. આ ધનરાશિ ઓનલાઇન પે કરવામાં આવી હતી. આમ, એક બાળકને સહાય કરવા માટે અન્ય બાળકે સેવિંગની રકમ આપી સેવાનું ઉત્તમ દ્રષ્ટાંત પૂરું પાડ્યું છે.