મોરબીમાં યુવતીના બિભત્સ વિડિઓ વાયરલ કરનાર શખ્સને ગણતરીની કલાકોમાં ઝડપી લેવાયો

મોરબી તાલુકાના ગ્રામ્ય વિસ્તારની રહેવાસી યુવતીએ ગઈકાલે ફરીયાદ નોંધાવી હતી કે ફેસબુકમાં એક આઇડીમાંથી બીભત્સ વિડિઓ વાયરલ કરીને સતામણી કરવામાં આવે છે.

જેથી મોરબી એલસીબી દ્વારા આ ગુનાની ગંભીરતા ને ધ્યાને લઈને તુરંત તપાસ હાથ ધરી હતી જે દરમિયાન ટેક્નિકલ સ્ટાફ દ્વારા ટેક્નિકલ સોર્સ દ્વારા આઈડી ની તપાસ કરીને આ વિડિઓ વાયરલ કરનાર આરોપી પ્રકાશ ધનજીભાઈ પરેચા(ઉ.વ.૨૧ રહે.શીતળા માતાજીના મંદિર વાળી શેરીમાં લીલાપર) વાળાને ગણતરીની કલાકોમાં શોધી ને આ ગુનામાં ઉપયોગમાં લેવાયેલ મોબાઈલ સાથે ઝડપી લેવાયો હતો.

આ કામગીરીમાં મોરબી એલસીબી પીઆઇ એમ આર ગોઢાણીયા ,પીએસઆઈ એન બી ડાભી,એન એચ ચુડાસમા ,એ ડી.જાડેજા સહિતનો સ્ટાફ જોડાયો હતો.