બનાવની પ્રાપ્ત વિગતો અનુસાર મોરબીના રાજપર રોડ પર ધર્મનગર સોસાયટીમાં ગઈકાલે રાત્રે બે ઘરોમાં ચોરી થઇ હોવાનો બનાવ સામે આવ્યો છે. એક ઘરમાંથી તસ્કરો ચાંદીના સાંકળા, સોનાની બુટ્ટી તથા 5-7 હજાર રોકડની ચોરી કરી ગયા હતા. તેમજ અન્ય ઘરમાં પણ તસ્કરોએ ચોરી કરી બધો સામાન વેરવિખેર કરી નાખ્યો હતો. જો કે બીજા ઘરમાંથી શું ચોરી થયું તેની વિગતો મળી નથી.
- Advertisement -
- Advertisement -
ઉલ્લેખનીય છે કે થોડા દિવસો પહેલા તસ્કરોએ આ સોસાયટીમાં બે-ત્રણ વાર ચોરી કરવાનો પ્રયાસ કર્યો હતો. ત્યારબાદ ગઈકાલે બે ઘરોમાં ચોરી થઇ હતી. આથી, સ્થાનિકોમાં તસ્કરોનો ભય ફેલાયો છે. તેમજ પોલીસના નાઈટ પેટ્રોલિંગ પર સ્થાનિકો સવાલ ઉઠાવી રહ્યા છે.
