આઈશર હડફેટે બાઈકચાલક યુવાનનું મોત

હળવદ તાલુકાના શીવનગર જેટકો સબસ્ટેશન નજીક રોડ પર બેફામ સ્પીડે આવતા આઇશરે બાઇકને હડફેટે લેતા બાઇક સવાર યુવાનનું મોત નીપજ્યું છે. આ અંગે અજાણ્યા આઇસર ચાલક સામે ફરિયાદ નોંધાઈ છે.

વિગત મુજબ હળવદ તાલુકાના શીવનગર જેટકો સબસ્ટેશન નજીક રોડ સુસવાવ ગામ તરફથી બેફામ સ્પીડે આવતા આઇશર ગાડી રજી નં.GJ-36-T-9717ના ચાલક આરોપીએ બાઇક ર.જી.નં.GJ-36-H-8680 ને હડફેટે લીધી હતી જેમાં શીવમ નાગજીભાઇ મોરી (ઉ.વ.૨૦) ને માથાના ભાગે ગંભીર ઇજા પહોચતા તેઓનું મોત નીપજ્યું હોવાનું સામે આવ્યું છે. આ અંગે અજાણ્યા આઇસર ચાલક સામે હળવદ પોલીસ સ્ટેશનમાં ફરિયાદ નોંધાઈ છે. જેને લઈને પોલીસે વધુ તપાસ હાથ ધરી છે.