મોરબીમાં મેમરી કાર્ડ વેચાતું લેવા જેવી સામાન્ય બાબતે આધેડ પર જીવલેણ હુમલો

બનાવની મળતી માહિતી મુજબ મોરબીના કુબેર ટોકીઝ પાછળ આવેલ મફતિયાપરા વિસ્તારમાં રહેતા શારદાબેન ગોગનભાઈ વાઘેલાએ બી ડીવીઝન પોલીસમાં ફરિયાદ નોંધાવી છે કે આરોપી રસિકભાઈ દેવશીભાઈ ચારોલીયાએ ફરિયાદી શારદાબેનના પતિ ગોગનભાઈને મેમરીકાર્ડ વેચાતું લઇ લેવાનું કહેલ જેથી ગોગનભાઈએ નાં પાડેલ હોય જેનો ખાર રાખી આરોપી રસિકભાઈ દેવસીભાઈ ચારોલીયા, હરેશભાઈ ઉર્ફે ઉગો દેવસીભાઈ ચારોલીયા, મુકેશભાઈ રસિકભાઈ અને સુરેશભાઈ કિશોરભાઈએ છકડો રીક્ષામાં ફરિયાદી શારદાબેનના ઘર પાસે જઈ મારી નાખવાના ઈરાદે હુમલો કરી લોખંડના પાઈપ તથા એન્ગલથી માર મારી ફરિયાદીના પતિ ગોગનભાઈને જમણા પગમાં, જમણા હાથમાં ફેકચર તેમજ માથામાં હેમરેજની ઈજા કરી મૂઢ માર માર્યો હોવાની ફરિયાદ બી ડીવીઝન પોલીસ મથકમાં નોંધાઈ છે. મોરબી બી ડીવીઝન પોલીસે ફરિયાદ નોંધી વધુ તપાસ હાથ ધરી છે.