સુરજબારી પુલ નજીક બે ટ્રક વચ્ચે અકસ્માત, એક ટ્રકચાલક ઈજાગ્રસ્ત

માળીયા (મી.)માં સુરજબારી પુલ નજીક બે ટ્રક વચ્ચે અકસ્માત સર્જાયો હતો જેમાં એક ટ્રકચાલક ઈજાગ્રસ્ત થયેલ છે.

આ બનાવની પ્રાપ્ત વિગત મુજબ ગઈકાલે મોડી રાત્રે સુરજબારી પુલ નજીક બે ટ્રક વચ્ચે અકસ્માત થયો હતો. આ અકસ્માતમાં એક ટ્રકચાલકને ઇજા પહોંચી હતી. જેને પ્રાથમિક સારવાર માળીયા (મી.) સરકારી હોસ્પિટલમાં આપ્યા બાદ વધુ સારવાર અર્થે મોરબીની હોસ્પિટલમાં ખસેડવામાં આવ્યા હતા. બંને ટ્રક વચ્ચે અકસ્માતના કારણે એક-દોઢ કલાક સુધી રોડ પર ટ્રાફિક જામ થઇ ગયો હતો. આ બનાવની જાણ થતા સુરજબારી ટોલનાકાની ટીમે ઘટનાસ્થળે પહોંચી ટ્રાફિક ક્લિયર કરાવ્યો હતો. તેમજ પોલીસ અને એમ્બ્યુલન્સ ટીમ પણ ઘટનાસ્થળે પહોંચી જરૂરી કાર્યવાહી હાથ ધરી હતી.