હળવદના માથક ગામે ગૌવંશ ઉપર હુમલો કરનાર બે ઝડપાયા

હળવદ પંથક છેલ્લા કેટલાક સમયથી ગૌવંશ ઉપર હુમલાઓની ઘટના સામે આવી રહી છે. ત્યારે ગઈકાલે હળવદના માથક ગામે સાત જેટલા ગૌવંશ ઉપર તીક્ષ્ણ હથિયારોથી ઘાતકી હુમલો થતા ગૌપ્રેમીઓ મેદાને આવ્યા હતા અને ગૌપ્રેમીઓએ જાતે જ વોચ ગોઠવીને માથક ગામે ગૌવંશ ઉપર હુમલો કરનાર રાજુભાઈ ભીમલાભાઈ નાયકને ગઈકાલે ઝડપીને આ આરોપીને હળવદ પોલીસને હવાલે કરી દીધો હતો. બાદમાં આજે પોલીસે બીજા આરોપી બકાભાઈ રૂપાભાઈ નાયકને પણ ઝડપી લીધો હતો. હળવદ પોલીસે ગૌપ્રેમીની ફરિયાદ પરથી બે આરોપીઓ સામે ગુનો નોંધી તપાસ હાથ ધરી છે.