મોરબીમાં દાઉદી વ્હોરા સમાજના 250 લોકોને કોરોના રસીકરણ કરાયું

આજરોજ મોરબીમાં વસવાટ કરતા દાઉદી વ્હોરા સમાજના 250 જેટલા લોકોને સામૂહિક કોરોના વેક્સિનેશનનો કાર્યક્રમ આરોગ્ય વિભાગના સહકારથી ડો.ચંદ્રેશ ભટ્ટની દેખરેખ હેઠળ કરવામાં આવ્યો હતો. આ તકે સમગ્ર દાઉદી વ્હોરા સમાજના લોકોએ રસી મુકાવી વેક્સિનેશન માટેની જાગૃતિ નો પરિચય આપ્યો હતો.

આ કાર્યને સફળ બનાવવા માટે કુતુબભાઈ કે.બી.અબ્બાસભાઈ, સેક્રેટરી જુજરભાઈ અમીન અને કમિટીના તમામ સભ્યોએ સાથ – સહકાર આપેલ હતો. સામુહિક વેક્સિનેશન બદલ દાઉદી વ્હોરા સમાજના દ્વારા આરોગ્ય વિભાગના બધા અધિકારીઓ અને હેલ્થ વર્કર બહેનોની પૂરી ટીમનો ખાસ આભાર માનવામાં આવ્યો હતો.