મોરબીના આંદરણા ગામેથી લગ્નની લાલચે સગીરાનું અપહરણ

મોરબી તાલુકાના આંદરણા ગામેથી સગીરાને લલચાવી ફોસલાવી અપહરણ કરી જનાર આદિવાસી શખ્સ સામે સગીરના પિતા એ ફરિયાદ નોંધાવી છે જેને લઈને પોલીસે તપાસ હાથ ધરી છે.

આ બનાવ અંગે મોરબી તાલુકા પોલીસ મથકેથી જાણવા મળતી વિગત અનુસાર આંદરણા ગામે રહેતા નરશીભાઇ શંકરભાઇ નાયક (ઉ.વ-૩૪ રહે-હાલ આંદરણા સીમ સવજીભાઇ ભુરાભાઇ પટેલની વાડીએ મુળ ગામ જી-છોટા ઉદેપુર)ની સગીર વયની દિકરીને લલચાવી ફોસલાવી લગ્ન કરવાની લાલચ આપી આરોપી અજય રમણભાઇ ડામોર (રહે-હાલ આંદરણા ગામની સીમ દિનેશભાઇ ભુરાભાઇ પટેલની વાડીએ મુળ રહે. મધ્યપ્રદેશ) ભગાડી અપહરણ કરી ગયો હતો. જે અંગે સગીરાના પિતાએ આરોપી વિરુદ્ધ ફરિયાદ નોંધાતા પોલીસે આઈ.પી.સી.ક ૩૬૩,૩૬૬ તથા પોકસો એકટ ક-૧૮ મુજબ ગુન્હો નોંધી ભોગ બનનાર ને શોધી કાઢવા અને આરોપીને દબોચી લેવા તપાસ હાથ ધરી છે.